ცნობიერი ნარატივი

ჩვენი პერსონალური ნარატივი – ამბის თხრობა შეიძლება იყოს ღრმად თერაპიული პროცესი, განსაკუთრებით მაშინ, თუკი ამას თვითცნობიერად და თანმიმდევრულად ვაკეთებთ. ეს არის შემოქმედებითი ჭვრეტა ავთენტური სელფისა და იმ გამოცდილებისა, რამაც აქ და ამჟამად, ამ წერტილში მოგვიყვანა. ჩვენი ყოფიერების და ქმედების ყველაზე დაფარული განზრახვები, მოტივები და პატერნები ჩვენსავე ისტორიაშია. უბრალოდ, ხშირად, ეს ყველაფერი ცნობიერი არ არის და ყოველდღიურობაში თავს იჩენს როგორც ერთგვარი ავტოპილოტი. დაწერილ სიტყვას მკურნალი ძალა აქვს.

ცნობიერი ნარატივი ავტობიოგრაფიული წერის ციკლია. მიზანია შევიდეთ თვითცნობიერებაში და ეს პროცესი გავხადოთ სიღრმისეული, შეფასებებისგან და განსჯისგან თავისუფალი.

და არამარტო…

რაზე დავწერთ

ყოფნა და სხეული

როგორ აღვიქვამთ საკუთარ თავს, როგორი ინტერაქცია გვაქვს სამყაროსთან, ცნობიერი აღქმა და სხეულებრივი გაცნობიერება;

მეტამორფოზა

ცვლილებების საჭიროების გაცნობიერება, წინააღმდეგობების და ბარიერების გადალახვა, ცვლილებების მართვა, მეტამორფოზა.

გონების ხაფანგები

რა შიშები, წინააღმდეგობები და რწმენა-წარმოდგენები გვმართავს. გონების ხაფანგების გააზრება, გაცნობიერებული არჩევანი.

ფორმატი

10-12 დღეში ერთხელ, ჯგუფში გავაზიარებ თემას თავისი გაიდით. გაიდს ექნება კითხვების სახე. ერთ თემაში მოცემული იქნება ათი-თხუთმეტი ძალიან ღია და ღრმად დამაფიქრებელი კითხვა, რომელსაც ექნება თავისი ლოგიკური თანმიმდევრობა.

თქვენ უბრალოდ მიყვებით ამ კითხვებს და წერთ ყველაფერს, რაც თქვენში იმ წუთას დაიბადება; იმ სიტყვებით, რაც მოვა; იმ ტემპით, რა ტემპითაც თქვენს ხელს, გულს და გონებას გაუხარდება. შეგიძლიათ წერის დროს შეჩერდეთ, გადადოთ გვერდით და რაღაც დროის მერე მიუბრუნდეთ.

მთავარი დათქმა არის – წერა, როგორც დინება, ბევრი ფიქრის და რაციონალიზაციის გარეშე; რასაც მოიტანს, მოიტანოს. ჩემი რჩევა იქნება, რომ დაწეროთ ხელით. ამ დროს სულ სხვანაირი სიტყვები და პაუზები ჩნდება.

შევიხედები ჯგუფში

დაწერილ სიტყვას მკურნალი ძალა აქვს

ნახე ყველა გაიდი ჯგუფში

როგორია პროცესი

და სხვა ტექნიკური ამბები

თემები

თითოეულ თემას ექნება თავისი ფოკუსი და თითოეული თემა იქნება მიმართული იმისკენ, რომ ღრმად გააცნობიეროთ თქვენი სიმართლე. ვწერთ ინდივიდუალურად. და ვწერთ გულწრფელად საკუთარ თავთან.

წერის სტილი

ნაკლებად შედეგიანია, თუკი წერის სტილზე და მხატვრულობაზე დავიწყებთ ფიქრს. მიცდია, ყურადღება გადააქვს წერის ტენქიკურ მხარეზე და მთავარი სათქმელი რჩება მიღმა. გექნებათ მომენტები, როცა იმდენი ფიქრი და სიტყვა მოგაწყდებათ ერთდროულად, რომ ჩაწერას ვერ მოასწრებთ. და პირიქითად, იმაზე იფიქრებთ საიდან და რით დაიწყოთ. ყველაფერი ოქეია, რაც პროცესში მოხდება.

ტექნიკური ამბები

ყველა გაიდი იტვირთება ჯგუფში, დანომრილია და შესაბამისი თემით არის დასათაურებული. თუ გინდათ შემოგვიერთდეთ, კლიკეთ “შევიხედები ჯგუფში”, გაეცანით დათქმებს. რადგან ასეთ სიღრმისეულ კოლექტიურ პროცესში შევდივართ ერთად, დათქმები დაგვეხმარება ფსიქოლოგიურად უსაფრთხო სივრცის შექმნაში.

ვისთვის და რა ეტაპიდან

ავტობიოგრაფიული წერის ციკლი არის ნებისმიერი ადამიანისთვის, ვინც მიზნად ისახავს თვითჩაღრმავების გზით შეიმეცნოს საკუთარი თავი. შეგიძლიათ შემოგვიერთდეთ ნებისმიერ დროს, დაიწყოთ ნებისმიერი გაიდიდან ნებისმიერ ეტაპზე, როცა თქვენს გულს გაუხარდება.

რას მოგცემთ ეს ყველაფერი?

აზრზე არა ვარ. ალბათ, ყველა სხვადასხვა რამეს მიიღებს: იმას, რისთვისაც იქნება ღია. ავტობიოგრაფიული წერის ციკლში ჩემი როლი იქნება ერთგვარი space holder-ის. მე გაგიზიარებთ გაიდებს და შევქმნი მხარდამჭერ სივრცეს. დანარჩენი თქვენზეა. მე არ ვიცი თქვენ რას, რატომ, როგორ, რისთვის, რა სიტყვებით და რა ფორმით წერთ.

დრო და ღირებულება

მოაზრებული მაქვს 1 წელი ვაკეთოთ ეს ყველაფერი. გაიდები გაზიარდება 10-12 დღეში ერთხელ. უსასყიდლოდ <3 შეგიძლიათ გაიდები ჩამოტვირთოთ და სხვებსაც გაუზიაროთ.

ჩემზე

ირინა ჭოჭუა: სერტიფიცირებული ქოუჩი – PCC; NLP პრაქტიკოსი – The Society of Neuro-Linguistic Programming™; სამაგისტრო პროგრამების ავტორი – SEU; ქოუჩინგ ლაბის დამფუძნებელი, ტრენერი და ბიზნეს ქოუჩი – coachinglab.ge; კოგნიტური მეცნიერებების და ფილოსოფიის მოყვარული, ტანგო და 5Rhythms მოცეკვავე, TED სპიკერი.

ყველაზე მნიშვნელოვანი დიალოგი არის დიალოგი საკუთარ თავთან

თვითცნობიერება არის შესაძლებლობა გულწრფელად შეხედო საკუთარ თავს შეფასებების და განსჯის გარეშე. საკუთარი თავის ცოდნა, მზერა შიგნით და კონტაქტი მე-სთან ცვლის ცნობიერებას, ცვლის აღქმას და ადამიანს ათავისუფლებს